हिन्दू जगतमा सुसमाचार सुनाउँदा के-के कुराहरूमा ध्यान दिने? भाग ६ || विरोधाभास विषयहरूलाई कसरी सामना गर्ने? || भाग २

 

नोट: आजको विषयवस्तु सँग सम्बन्धित कतिपय लिंकहरू अघिल्ला भागहरूमा पनि थप अध्ययन सामग्री अन्तर्गत राखिएका छन्!

१) विकासवाद सिद्धान्त अर्को मुद्दा छ जहाँ इसाई समुदाय पिरोलिएका हुन्छन् ! फेरि इसाई समुदाय भित्रै पनि यसलाई स्वीकार गर्ने र नगर्ने दुबै समूहहरू छन् ! एक थरीले यसलाई अप्रमाणित झूटो विज्ञान, सैतानको पासो भन्छन् भने अर्को थरीले सम्भावना हुन सक्ने प्रक्रिया र सुसमाचार कै एक पूर्व-दृश्यका रूपमा हेर्ने गर्छन् । दुबै समूहका आ-आफ्नै सबल पक्ष र कमजोर पक्ष छन् ! एक जना इसाई समुदाय भित्र कै एस्ट्रो- फिजिसिस्ट डा. ह्युग रस (Dr. Hugh Ross) भन्छन् हाल हिसाब गरिएको समयकाल विकासवादी प्रक्रियाको लागि एकदम अपर्याप्त र आशारहीत समयवधि हो! आजभोलि आदम हव्वालाई पनि विकासवादी दृश्यले हेर्न र व्याख्या गर्न सकिन्छ भन्ने अवधारणा ल्याउनेहरू धेरै आएका छन् ! हालसालै विलियम क्रेग (William Craig), जोशुवा स्वामिदास (Joshua Swamidas), माइकल हाइजर (Michael Heiser), जन वाल्टन (John Walton), बेन स्ट्यानहप (Ben Stanhope), फ्रान्सिस कोलिन्स  (Francis Collins) लगायत अन्य विद्वानहरूले यस्ता अवधारणाहरूलाई प्रवर्द्धन गर्दै आइरहेका छन् ! अर्को विषय इन्टेलिजन्ट डिजाइन अभियान पनि छ जसले यस विश्व ब्रह्माण्ड एक बौद्धिक दिमागको उपज हो भनी वकालत गर्दै अपरझाट विकासवाद मार्फत यस्तो व्यवस्थित संसार कदापि आउँदैन भनी वकालत गर्ने गर्छन् ! स्टिफन मियर एक उदाहरण हुन् ! यसै कारण पनि सुसमाचार सुनाउने बेला यी मुद्दाहरूलाई होशियारपूर्वक छलफल गर्न सिक्नपर्छ!

२) डाइनोसर सायद अर्को रोचक विषय हुन सक्छ जस बारे पहिल्यै ब्लग शृङ्खला ल्याइसकेको छु! ती अङ्ग्रेजीमा छन् ! पूर्ण जानकारीका लागि खोजेर पढ्नुहोला! यस विषयमा पनि स्पष्टीकरण यही होकि बाइबलको सामु मानिस परमेश्वरको लागि मूल्यवान हो! डाइनोसर पनि उहाँकै सृष्टि र प्रावधान हो! तर बाइबलको विषय चाहिँ होइन ! साथै कतिले अय्यूबको पुस्तकमा रहेको दुई जीवलाई औंल्याउँछन् : बिहेमोथ र लिव्यातन! होशियार रहनुहोस् ती डाइनोसर बारे वर्णन होइनन् ! डा. ह्युग रस द्वारा लिखित "Hidden Treasures in the book of Job" मा उनले यस बारे स्पष्टीकरण दिएका छन् ! तर कसैले मान्नै चाहन्छ भने पनि कुनै आपत्ति छैन ! मानिस जातिको हर मनलाग्दी प्रश्नको उत्तर दिनका लागि बाइबल लेखिएको होइन ! तर परमेश्वरले जे-जति कुरा हामी लाई प्रकट गर्न अत्यावश्यक ठान्नुभयो, त्यही कुरा मात्रै चर्चा गरिएको पुस्तक बाइबल हो! डाइनोसरको विषयमा रुचि राख्ने हो भने बाँकी लोप भएका पूर्व-ऐतिहासिक जीवहरूका बारेमा पनि त प्रश्न गरिनुपर्ने होइन र? बाइबल जीव-विज्ञानको पुस्तक होइन जीवन परिवर्तनको पुस्तक हो!

थप अध्ययन सामग्री:

१) Why Dr. Hugh Ross is not an evolutionist-"The timeline is helpless for naturalistic evolution!": Click!

२) In Quest of Historical Adam, William Lane Craig: Click!
३) The Case of Behemoth and Leviathan: Click!